Главная
Карта сайта
Написать письмо
Наука и образование Гродненской области
Главная » Новости
Новости
12.04.2017
Сяброўства без межаў

Свята “Сяброўства без межаў”, якое было арганізавана ў Дашкольным цэнтры развіцця дзіцяці Карэліч, прысвячалася выхаванню паважлівых адносін да культуры іншых народаў, знаёмству з іх мастацкай творчасцю праз танец.

Падчас падрыхтоўкі да свята дзеці развучвалі танцы і гульні краін, з якімі мяжуе Беларусь. Былі сшыты нацыянальныя касцюмы і галаўныя ўборы гэтых краін.

Выхаванцы старшых груп падарожнічалі па Расіі, Украіне, Польшчы, Літве. Ва Украіне ўбачылі танец “Гапак”, у Польшчы згулялі ў нацыянальную гульню “Лавата”. Літва сустрэла гасцей жартоўным танцам. Дзяўчаты-матрошкі ў яркіх сарафанах пазнаёмілі дзяцей з рускімі традыцыямі і выканалі танец матрошак і танец “Рускі самавар”. У роднай Беларусі гасцей хлебам-соллю сустракалі дзяўчаткі ў нацыянальных строях, якія выканалі танец “Беларусачка”.

Дзеці не толькі ўбачылі танцы і гульні, яны пазнаёміліся з культурай і геаграфіяй краін-суседак, іх нацыянальнымі сцягамі.

На свята запрасілі бацькоў выхаванцаў, супрацоўнікаў цэнтра. А завяршылася яно сімвалічнай кампазіцыяй аб міры і сяброўстве “Мы на свет нарадзіліся, каб радасна жыць”.

Людміла ЯЦУК,
музычны кіраўнік Дашкольнага цэнтра развіцця дзіцяці Карэліч